صينية البطاطا والباذنجان بالفرن

المكونات

• لحمة مفرومة
• بطاطا
• باذنجان حبة كبيرة
• بندورة او طماطم
• بصل يابس
• زيت نباتي
• فلفل أسود
• اوريغانو او زعتر يابس
• معجون البندورة او الطماطم
• ملح حسب الرغبة

طريقة التحضير

1. نبدأ بتحضير الحشوة، نقلي بصلة مفرومة ناعمة بالقليل من الزيت حتى تذبل
2. نضيف اللحمة المفرومة ونقلب حتى يتغير لونها وتجف
3. نضيف بندورة او طماطم مفرومة ناعمة ونقلب حتى تذبل ايضاً
4. ننكه الحشوة بالبهار والاعشاب ونضيف الملح حسب الرغبة ونقلب
5. نترك الحشوة على نار هادئة ونقلب من وقت لآخر حتى تنضج
6. في هذه الاثناء نحضّر الخضار، نقطع بطاطا وباذنجان وبصل وبندورة الى شرائح دائرية متوسطة السماكة
7. نقلي البطاطا والباذنجان كل على حدا في زيت حار وغزير من دون المبالغة بالقلي .. نرفعها من الزيت قبل ان تنضج تماماً ونتركها تصفي
8. نبدأ بترتيب الطبقات... نصف شرائح البطاطا والباذنجان والبصل والبندورة الى جانب بعضها حسب الرغبة ونرش القليل من الملح والبهار والاعشاب عليها
9. نوزع اللحمة المفرومة على وجه شرائح الخضار
10. نغطي الحشوة بشرائح البصل والبندورة
11. نحضر الصلصة... نخلط معجون طماطم مع الماء حسب الحاجة ونضيفهم على صينية البطاطا والباذنجان
12. ندخل الصينية الى الفرن على الرف الاوسط على حرارة 180 مئوية حوالي نصف ساعة حتى تنضج وتتحمر
13. نقدم صينية البطاطا والباذنجان مع الأرز المطبوخ بالشعيرية